Prohibition of the Import of English Cloth into the Netherlands
| Artifact Summary | |
|---|---|
| Artifact type | |
| Creator/author | |
| Date | 1494 |
| Period | |
| City and country of origin | |
| Abstract | |
Entry
[G. Schanz, Englische Handelspolitik gegen Ende des Mittelalters
(1881), Vol. II., pp. 191-93. ] Maximiliaen, par la grace de Dieu roy des Romains, touiours auguste de Hongroie, de Dalmacie, de Croacie, etc., et Philippe, par la mesme grace archiducz d'Austrice, duez de Bourgoingne, de Lothier, de Brabant, de Lembourg, de Lucembourg et de Ghelders, contes de Flandres, de Tyrol, d'Artois,de Bourgoingne, palatins de Haynnau, de Hollande, de Zeeland, de Namur et de Zuytphen, marquiz du saint empire, seigneurs de Frise, de Salinis et de Malins, a tous ceulx, qui ces presentes lettres verront, salut. De la part de noz bien amez les deputez des estas de noz pays de Brabant, Flandres, Haynnau, Hollande et Zeelande et aultres de pardeca nous a este expose, comme jasoit, que par les entrecours de marchandise faiz et accordez entre feuz nos predicesseurs, que Dieu absoille, et nous d'une part, et les roys d'Angleterre d'autre, ait entre autres choses este dit, taraictie et convenu, que tout les subgetes et marchans tant d'Angleterre que les notres pourroient hanter, frequenter et marchander l'un avec l'autre et es royaumes, pays, seignories et obeissance de chascun de nous et y porter, mener et faire porter et mener toutes leurs denrees et marchandises ; et que ledit entrecours ait adez par nous et nosdictz subgetz este deuement entretenu et observe, ce non obstant treshault et trespuissant prince, nostre treschier frere et cousin, le roy d'Angleterre, en contrevenant audit entrecours a puis aucun temps fait deffendre a ses subgetz et a tous autres marchans residens audict royaume d'Angleterre wydier ou mener dudict royaume en noz pays et seignories aucunes denrees et marchandises et semblablement de non souffrir que noz subgetz y en menassent ou ramenassent dudict royaume; et a fait prendre et confisquier a son prouffit aucunes desdictes marchandises menees par nosdictz subgetz oudit royaume, et en oultre a nagaires ordonne une estaple de toutes manires de denrees et marchandisz en la ville de Calais et ordonne que tous ses subgetz et aultres marchans estraingiers amainent et facent ammener leurs marchandises, soient draps, bures, frommaiges grasses, fruys ou autres marchandises ou vivres quelzconques dudict royaume d'Angleterre en la dicte ville de Calais pour les y vendre,commuer ou changier a leur prouffit et voulente, en deffendant que nul de ses dictz subgetz ne autre marchant estrangier, estant ou aiant facteur ou compaignie audict royaume, ne maine face mener hors de ses dictz pays ne semblablement hors de la dicte ville de Calais ne des marches d'icelles en aucune place de noz dicts pays, seignouries et obeissance quelque maniere de biens ou marchandises, ne que eulx ou aucun d'eulx n'achatent ou portent ne soit cause d'acheter ou porter de quelque lieu de nosdicts pays, seignories et obeissance audit royaume d'Angleterre ne audict lieu de Calais aucuns biens ou marchandises, qui soient par eulx ou leurs facteurs achatez ou dont ils soient pourveuz ou pacquez ou que cy apres seroient achetez ou pacquez, sans son especial congie expedie soubz son grand seel, sur paine de confiscation desdiz biens et marchandises, qui ainsi seroient menees en sondict royaume et obeissance, et d'estre prisonnier et pugnis a son arbitraige, le tout au grant prejudice et dommaige de nous et de nosdicts subgetz exposans, et plus pourra estre, se par nous pourveu n'y est, si comme ilz dient, dont ilz nous ont tres humblement supplie et requiz ; savoir faisons, que nous, les choses dessus dictes considerees mesmement les dictes infractions dudict entrecours fait de la part de nostre dict frere et cousin, desirans pourveoir au bien prouffit et utilite du bien publicque de nosdicts pays et subgetz remectre sur le fait de la draperie en nosdicts pays et seignouries, qui a adez este et est l'un des principaulx entretenemens de noz subgetz d'iceulx, avons a grande et meure deliberation sur ce eue et en ensuiant ce que par devant a este fait par feu nostre treschier seigneur et ayeul, le duc Philippe de Bourgoigne, que Dieu absoille, ordonne et declare, ordonnons et declairons par la teneur de ces presentes, que de cy enavant a tousjours mais les draps et filez faiz ouvrez oudit royaume d'Angleterre soient et seront banniz de nos dicts pays de Lothr., de Brabant, de Lembourg, de Lucembourch, Gheldre, Flandres, Artois, Haynnau, Hollande, Zeelande, Namur, seignouries de Frise et de Malines et de noz terres d'outre Meuse et generalement de tous noz autres pays, terres et seignouries de pardeca, et est nostre plaisir, que aucun n'en y soient plus ammenez, venduz ne distribuez. Et se aucuns s'avancent d'en ammener, nous voulons et ordonnons comme dessus, qu'ilz soient brulez comme banniz desdicts pays, lesquelz nous mesmes en bannissons par cesdites presentes en deffendant par expres a tous marchans, maronnier[s], charretiers, et voictueriers noz subgetz et autres, de quelque estat ou condition qu'ilz soient, gens d'eglise, nobles et autres, que doresenavant par eaue ne par terre ilz ne amainent, vendent, distribuent ou eschangent ou facent ammener, vendre, distribuer ou eschanger ne autre- ment employer aucuns d'iceulx draps et filez d'Angleterre en noz pays, terres et seignouries dessusdictes ne en aucunes d'icelles et ne les passent par iceulx noz pays pour autre part les transporter, que quiconques sera trouve faisant ou avoir fait le contraire et transgresse ceste nostre presente ordonnance et deffence, se sera sur les paines et amendent, qui s'ensuient, [etc.] Donne en nostre ville de Malines le 8e jour d'avril l'an de grace 1494 apres pasques.
